१५ असोज, दाङ । आज बिहान दाङमा यात्रुबहाक बस दुर्घटना हुँदा १४ यात्रु घाइते भएका छन् ।
पोखराबाट सुर्खेत जाँदै गरेको ग१ख ८४८५ नम्बरको बस आज बिहान ५ बजे दुर्घटनामा परेको हो ।
पूर्वपश्चिम राजमार्ग अन्तर्गत लमही(४ बन गाउँको बबइसोता पुलको साइडमा दुर्घटना परेको प्रहरीले जानकारी दिएको छ ।
बस अनियन्त्रित भइ सडकदेखि १० मिटर तल खसेको छ ।
घाइतेहरुको लमही अस्पतालमा उपचार भइरहेको छ । प्रहरीले चालक रामेछापको सुनपति गाउँपालिका(३ का ३३ वर्षीय रामकृष्ण खड्कालाई नियन्त्रणमा लिएको छ ।
बसमा १६ जना यात्रु सवार रहेको प्रहरीले जनाएको छ ।
