२१ जेठ, दाङ। दाङमा अटो र मोटरसाइकल ठोक्किदा १ जनाको मृत्यु भएको छ । तीन जना घाइते भएका छन् ।
मृत्यु हुनेमा अटो चालक घोराही उपमहानगरपालिका-५ का ३२ वर्षिय किरण रोका रहेका छन् । दुर्घटना पश्यात घाइते भएका रोकको स्वास्थ्य चौकी सिसहनियामा उपचारको क्रममा मृत्यु भएको जिल्ला प्रहरी कार्यालय दाङका डिएसपी राजनकुमार गौतमले जानकारी दिए।
पूर्वपश्चिम राजमार्ग अन्तर्गत राप्ती गाउँपालिका-४ स्थित श्रीनारायण चोकमा घोराहीबाट भालुवाङ आउँदै गरेको भे १२ प नम्बरको मोटरसाइकल र विपरीत दिशा तर्फ जादै गरेको रा १ ह ५६०३ नम्बरको अटो एक आपसमा ठोक्किदा दुर्घटना भएको थियो।
