लुम्बिनी – समाजवादी प्रेस संगठन नेपाल लुम्बिनी प्रदेश समितिको अध्यक्षमा हृदय भुसाल चयन भएका छन् । संगठनका केन्द्रीय अध्यक्ष शम्भु श्रेष्ठसहित शनिबार बसेको पदाधिकारी बैठकले भुसालको नेतृत्वमा २९ सदस्यीय समिति गठन गरेको हो ।
संगठनको उपाध्यक्षमा शंकरप्रसाद पाण्डेय (रुपन्देही), महिला उपाध्यक्षमा प्रतिज्ञा बुढा मगर (रोल्पा), सचिवमा दीपक आचार्य ञअनुुरागीझ (कपिलबस्तुु), कोषाध्यक्ष प्रकाश न्यौपाने (रुपन्देही), सहसचिवमा पदम गैरै सर्वसम्मत चयन भएका छन् ।
त्यसैगरि सदस्यहरुमा लोकनाथ शर्मा, मनोज क्षेत्री, एलिना आचार्य, अशोक चौहान, विक्रम आचार्य लगायत चयन भएका छन् । लुम्बिनी प्रदेश समितिमा जिल्ला अध्यक्षहरु पदेन रहने व्यवस्था छ ।
विस्तारित बैठकमा बोल्दै समाजवादी प्रेस संगठन नेपालका केन्द्रीय अध्यक्ष शम्भु श्रेष्ठले आफूहरु अभिव्यक्ति र प्रेस स्वतन्त्रताको रक्षा गर्दै व्यवसायिक पत्रकारिताका पक्षमा उभिने बताए । उनले समाजवादी प्रेस संगठन आलोचनात्मक चेत भएका पत्रकारहरुको संगठन भएको जनाए ।
