६ चैत, विराटनगर । विवादास्पद छविका अभिषेक गिरी ९ वर्षको कैद अवधि पूरा गरी कारागारबाट छुटेका छन् ।
जिल्ला कारागार माेरङबाट गिरी आइतबार छुटेका हुन् ।
अपहरण तथा शरीर बन्धक मुद्दामा दोषी ठहरिएका गिरी गुण्डा नाइकेको रुपमा परिचित छन् ।
२०७८ मंसिर ९ गते दोस्रो पटक मोरङ कारागार आएर चौकीदार बनेका गिरीको गत पुस २९ गते भिमफेदी कारागार सरुवा भएको थियो । तर उनले जान नमानेपछि प्रशासन पछि हट्याे । गिरीले मोरङ कारागार छाड्न नमानेपछि प्रशासनले मोरङबाटै थुनामुक्त गर्ने प्रकृया अगाडि बढाएको थियो ।
कारागारमुक्त भएपछि गिरीले अब सामाजिक काम गर्ने बताएका छन् । करिब ९ वर्ष कारागार बस्दा जीवन बुझेको बताएका उनले अब समाजसेवामा लाग्ने बताएका हुन् ।
