सत्ता गठबन्धनमा नगरपालिका र गाउँपालिकामा हुने चुनावी तालमेलको विषय भोलि बेलुकासम्म टुंगो लगाउने बुझिएको छ । सत्ता गठबन्धनमा देशैभरका ६ महानगर र ११ उपमहानगरपालिकाको चुनावी तालमेलबारे सहमति भइसकेकाले अब नगरपालिका र गाउँपालिकामा पनि त्यसैगरी टुंगो लाग्ने बताएका
हुन् ।
स्थानीय तहमा तालमेलको विषय मिलाउन केन्द्रीय कार्यदलले सहजीकरण, समन्वय र अनुगमन गरेको छ । ‘प्रदेश कमिटी संयन्त्रले नगर र गाउँपालिका टुंगो लगाउने छ। वडाको जिल्ला समन्वय समितिले गर्ने छ । निर्वाचनको मिति नजिकिइसकेकाले केन्द्रको समन्वयमा नगरपालिका र गाउँपालिकाका उम्मेदवार प्रदेश कमिटीले भोलि बेलुकासम्म टुंगो लगाउँने छ ।
