५ वैशाख, काठमाडौं । आगामी बैशाख ३० हुने स्थानीय तहको निर्वाचनबारे नेकपा माओवादी केन्द्रका अध्यक्ष (प्रचण्ड) ले पत्रकार सम्मेलन गर्ने भएका छन् ।
माओवादी केन्द्रको केन्द्रीय प्रचार तथा प्रकाशन विभागका अनुसार आज दिउँसो १ बजे केन्द्रीय कार्यालय पेरिसडाँडामा पत्रकार सम्मेलन हुने बताइएको छ ।
प्रचण्डले स्थानीय तहको निर्वाचनलाई लिएर पार्टीको तयारी, पाँच दलीय गठबन्धनमा भइरहेको तालमेल लगायतका विषयमा जानकारी गराउने बुझिएको छ ।
