१८ म्याग्दी, फागुन । हिजो महाशिवरात्री पर्व । म्याग्दी जिल्लाको बेनी नगरपालिका–९ गलेश्वर मन्दिरमा हिजो शिवरात्रीका दिन ३ लाख ५३ हजार ८७ रुपैयाँ भेटी संकलन भएको छ । महाशिवरात्री पर्वको अवसरमा हिजो गलेश्वरधाममा दर्शन र पुजाआजा गर्न आएका भक्तजनहरुले चढाएको भेटिबाट सो रकम संकलित भएको गलेश्वर शिवालय क्षेत्र विकास कोषकाले जानकारी दिएकाो छ । मन्दिरमा भक्तजनले चढाएको भेटि आज कोषका पदाधिकारी, प्रहरी र जनप्रतिनिधिको रोहबरमा गनिएको थियो ।
प्रसिद्ध धार्मिकस्थल गलेश्वर मन्दिरमा महाशिवरात्रीको पर्वको अवसरमा दर्शन र पुजाआजाका लागि म्याग्दीका ग्रामिण भेगसंगै छिमेकी बिभिन्न जिल्लाबाट ठुलो संख्यामा भत्तजनहरुको उपस्थिति थियो ।
