हिजो राती प्रतिनिधिसभाले एमसीसीमाथि १२ बुँदे ब्याख्यात्मक संशोधन गर्दै पारित गरेपछि पार्टीभित्र बिगह, असन्तुष्टि र बिरोधका आवाज आएपछि नेकपा माओवादी केन्द्रका अध्यक्ष प्रचण्डले केही बेरमा पत्रकार सम्मेलन गर्र्दछन् ।
अध्यक्ष प्रचण्डले आफ्नै निवास खुमलटारमा पत्रकार सम्मेलन गर्न लागेका हुन् ।
पछिल्लो समय एमसिसी पास गर्न प्रचण्डले देखाएको द्वैध चरित्रको आलोचना भएको थियो।
प्रचण्डले प्रधानमन्त्री शेरबहादुर देउवासँगै एमसिसी पास गर्ने प्रतिबद्धतासहित अमेरिकालाई पठाएको पत्र सार्वजनिक भएको थियो। तर नेकपा माओवादी केन्द्रले संसदीय दलको बैठकमार्फत् एमसिसीको विपक्षमा उभिने निर्णय गरेको थियो।
माओवादी केन्द्रले एमसिसीको विरोधमा सडक आन्दोलन समेत गरेको थियो।
नेपाली कांग्रेसले माओवादी एमसिसीको पक्षमा नउभिए नेकपा एमालेसँग गठबन्धन गर्ने बताएपछि प्रचण्ड देउवासँगै एमसिसी पास गर्ने पक्षमा उभिएका थिए।
आइतबार एमसिसी पारित गर्न राखिएको प्रतिनिधि सभा बैठकअघि प्रचण्डले संसदीय दलबाट एमसिसी अनुमोदनको निर्णय गराएका थिए।
प्रतिनिधि सभाको बैठकले व्याख्यात्मक टिप्पणीसहित एमसिसी पारित गरेको थियो। तर एमसिसीको विषयमा प्रचण्ड प्रतिनिधि सभा बैठकमा कुनै धारणा राखेका थिएनन्।
पत्रकार सम्मेलन दिउँसो ३ बजे हुँदैछ।
