निर्वाचन आयोगले आज पत्रकार सम्मेलन गरेर गर्दै स्थानीय तहको निर्वाचन सञ्चालन तथा व्यवस्थापनको लागि निर्वाचन आयोगले रकम निकासा गरिदिन आग्रह गरेको छ । आयोगले अर्थ मन्त्रालयसँग रू. ८ अर्ब ९५ करोड २९ लाख ४ हजार बजेट माग गर्ने निर्णय गरी अर्थ मन्त्रालयमा निकासाको लागि अनुरोध गरी पठाइएको जनाएको छ ।
आयोगको विज्ञप्तिमा निर्वाचनमा खटिने जनशक्तिहरूको बीमा गर्नुपर्ने कानूनी व्यवस्था अनुसार आवश्यक निर्णय पनि गरेको छ । जसअनुसार १ लाख १० हजार ७ सय १३ अनुमानित जनशक्तिको प्रति व्यक्ति विमाङ्क रकम रु। २० लाखको बीमा गर्न मिति बुधबार सार्वजनिक सूचना प्रकाशन गरी सम्बन्धित बीमा प्रदायक कम्पनीहरूसँग प्रस्ताव माग गरेको पनि उल्लेख छ । यस्तै ,स्थानीय तह निर्वाचन प्रयोजनका लागि हालसम्म २९ वटा राजनीतिक दलहरुले निवेदन दिएको पनि आयोगले जनाएको छ ।
