२९ मंसिर, कैलाली । कैलालीमा बस र स्कार्पियो गाडी ठोक्किँदा २७ जना घाइते भएका छन्।
आज बिहान लम्कीचुहा नगरपालिका-३ स्थित गोराङ्गेमा काठमाडौंबाट महेन्द्रनगरतर्फ आउँदै गरेको सु.प.प्र.००२-००१ ख १०८४ नम्बरको बस र विपरीत दिशाबाट गइरहेको से १ च १५९३ नम्बरको स्कार्पियो ठोक्किँदा उनीहरू घाइते भएका हुन्।
स्कार्पियोमा चालकसहित ३ जना र बसमा ३८ जना सवार थिए।
उनीहरूमध्ये २७ जना घाइते भएको जिल्ला प्रहरी कार्यालय कैलालीले जनाएको छ।
घाइतेहरूको लम्कीस्थित लालरत्न अस्पतालमा उपचार भइरहेको प्रहरीले जनाएको छ।
