ट्रकको ठक्करबाट एक युवकको मृत्यु भएको छ । पूर्वपश्चिम राजमार्ग अन्तर्गत पर्ने हेटौंडा उपमहानगरपालिका वडा नम्वर–११ नवलपुरस्थित सडकमा ट्रकले मोटरसाइकललाई ठक्कर दिँदा मोटरसाइकल चालक युवकको मृत्यु भएको
हो ।
मृत्यु हुनेमा हेटौंडा उपमहानगरपालिका वडा नम्वर–१२ निवासी २० बर्षीय सुसान्त पुडासैनी रहेको जिल्ला प्रहरी कार्यालयले जानकारी दिएको छ ।
हेटौंडाबाट मनहरीतर्फ जाँदै गरेको बागमती प्रदेश ३००४ प ७१९१ नम्वरको मोटरसाइकललाई ना ७ ख ८८१ नम्वरको लहरी ट्रकले आज बिहान साढे ६ बजेको समयमा ठक्कर दिएको थियो ।
ट्रकको ठक्करबाट पुडासैनीको घटनास्थलमै मृत्यु भएको थियो । ट्रकका चालक लमजुङ घर भएका बर्ष ४९ को पूर्णबहादुर भुजेललाई नियन्त्रणमा लिएर आवश्यक अनुसन्धान भइरहेको छ ।
