कर्णाली प्रदेशको सुर्खेतमा पिकअप जीप दुर्घटना हुँदा चालकको मृत्यु भएको छ।
आज बिहान सवा ५ बजे वीरेन्द्रनगर नगरपालिका वडा नम्बर १३ झुप्रा खोला जाने बाटो नजिकै पिकअप जीप दुर्घटनामा पर्दा चालकको मृत्यु भएको जिल्ला प्रहरी कार्यालयले जानकारी दिएको हो।
दाङबाट सुर्खेत जाँदै गरेको रा १ च १३१० नम्बरको जीप आफैं अनियन्त्रित भई सडकबाट अन्दाजी १५० मिटर तल खोल्सामा खसेको थियो।
दुर्घटनाबाट दाङ घोराही नगरपालिका वडा नम्बर १३ बस्ने २९ वर्षीय चालक राजु विकको मृत्यु भएको हो। उनको उपचारको क्रममा मृत्यु भएको प्रहरीले जनाएको छ। त्यस्तै, रोल्पा लिवाङ नगरपालिका वडा नम्बर ३ बस्ने १६ वर्षीय सहचालक लोकेन्द्र सुनार घाइते छन्।
