२ असोज, काठमाडौं । नेकपा एमालेका अध्यक्ष तथा प्रमुख प्रतिपक्ष दलका नेता केपी शर्मा ओलीले आउँदो चुनावपछि अहिलेको सत्ता गठबन्धनका दलहरु हराउने टिप्पणी गरेका छन् ।
आज पार्टीनिकट कर्मचारी संगठनको कार्यक्रममा बोल्ने क्रममा ओलीले १४ महिनामा सत्ता गठबन्धनमा रहेका दलहरु हराउने दावी गरे ।
‘१४ महिनामा चुनाव हुन्छ, यी कता हराउँछन्, कता बिलाउँछन्’ उनले भने, ‘यी फ्रिजबाट निकालिएका आइसका डल्ला हुन् । आफैं परेका आइस होइन । यी डल्ला बाहिर राखिदिएपछि एकछिनपछि पग्लेर जान्छन् । धेरै चिन्ता गर्नुपर्दैन ।’
आफूले चुनाव गराउन खोज्दा सत्ता गठबन्धनमा रहेका दलहरुले प्रतिगमन हुने भयो भन्दै विरोध गरेको भन्दै ओलीले अब १४ महिनापछि अनिवार्य चुनाव गराउनैपर्ने बताए ।
‘१४ महिनापछि त अनिवार्य चुनाव गर्नुपर्छ, के देश अनिवार्य रुपमा प्रतिगमनमा जाने भयो त ?’ उनले प्रश्न गरे, ‘जनादेश आउँदा प्रगिमन हुने भयो, संविधान मिचिने भो त ? कस्तो शासन खोजेका छन्, यी तानाशाहरुहरुले ?
