१० जेठ, काठमाडौं । ओखलढुंगामा कोरोना संक्रमणबाट एकजना महिलाको मृत्यु भएको छ । सिद्धिचरण नगरपालिका–११ की ५८ वर्षीया महिलाको सोमबार मृत्यु भएको हो । जिल्लामा कोरोनाबाट ज्यान गुमाउने उनी पहिलो व्यक्ति हुन् ।
जेठ ७ गते कोरोना संक्रमण पुष्टि भएपछि ओखलढुंगा सामुदायिक अस्पतालमा उपचाररत उनको मृत्यु भएको जिल्ला स्वास्थ्य कार्यालय प्रमुख सुमन तिवारीले जानकारी दिए ।
ओखलढुंगाबाट बाहिर गएर बसेकाको यसअघि पनि कोरोना सङ्क्रमणबाट मृत्यु भएको भए पनि जिल्लामा रहेका सङ्क्रमितको यसअघि मृत्यु भएको थिएन ।
