साताको अन्तिम दिन सेयर बजार राताम्मे

२३ वैशाख, काठमाडौं । साताको अन्तिम कारोबार आज सेयर बजार घटेर राताम्मे देखिएको छ । सेयर कारोबार मापक नेप्से परिसूचक १२ दशमलव ४७ अंकले घटेर २ हजार ६ सय ३७ दशमलव १३ अंकमा झरेको हो ।

नेप्से परिसूचक घटे पनि हिजोकोे तुनामा आज सेयर कारोबार रकममा भने सुधार देखिएको छ । दिनभर भएका ८० हजार १४१ कारोबारबाट २१६ कम्पनीका १ करोड ५९ लाख ८० हजार ८१५ कित्ता सेयर किनबेच भएका छन् ।

जसअनुसार कारोबार रकम ६ अर्ब ८१ करोड ९१ हजार ४५३ रुपैयाँ पुगेको छ । हिजो ६ अर्ब २१ करोड रुपैयाँको कारोबार भएको थियो ।