७ चैत, काठमाडौं । मनाङको मर्स्याङ्दी नदीमा ट्रक खस्दा तीन जनाको मृत्यु भएको छ । आज दिउंसो साढे ३ बजे नासो गाउंपालिका–३ खोत्रोमा सिमेन्ट लोड गरेर लम्जुङबाट चामे जाँदै गरेको ध १ ख ५९२ नम्बरको ट्रक खसेको नदीमा खसेको हो ।
प्रहरी नायब उपरीक्षक सुवास खड्काका अनुसार उकालो चढ्नेक्रममा अनियन्त्रित हुंदै ब्याक भएर खोलामा ट्रक खसेको हो ।
ट्रक खस्दा तीन जनाको मृत्यु भएको डिएसपी खड्काले जानकारी दिए । अन्य पांच जना घाइते भएका छन् । घाइतेहरूको उपचारका लागि एम्बुलेन्समार्फत लम्जुङ पठाइएको छ ।
डिएसपी खड्काका अनुसार ट्रक अन्दाजी १ सय ५० मिटर तल मर्स्याङ्दी नदीमा खसेको हो ।
मृत्यु हुनेमा नासो गाउंपालिका ४ ओडार बस्ने ३५ वर्षीया मनिषा गुरूङ, ३६ वर्षीया लालकाशी गुरूङ र अन्दाजी ६÷७ वर्षीय थिउन गुरूङ रहेका छन् ।
थिउन मनिषाका छोरा हुन् भने लालकाशी र थिउन दिदीबहिनी हुन् ।
