२८ माघ, काठमाडौं । नेकपा प्रचण्ड–नेपाल समूहले आज काठमाडौंमा बृहत विरोध प्रदर्शन सुरु गरेको छ । गएको ५ पुसमा प्रधानमन्त्री ओलीले गरेको प्रतिनिधिसभा विघटन भएको विरोधमा प्रदर्शन भइरहेको छ ।
आज गरेको सभामा नेकपाका अध्यक्षद्वय पुष्पकमल दाहाल प्रचण्ड, माधवकुमार नेपाल वरिष्ठ नेता झलनाथ खनाल लगायतले सम्बोधन गर्ने भएका छन् । त्यस्तै, नेताहरु अञ्जना विशंखे, अमृता थापा, भानुभक्त जोशी, महफुज अन्सारी, रामकुमारी झांक्री, रामचन्द्र झा, सन्तकुमार चौधरी, जनार्दन शर्मा, देव गरुङ, रघु पन्त, नारायणकाजी श्रेष्ठ लगायतले पनि सम्बोधन गर्ने कार्यक्रम रहेको आयोजकले जानकारी दिएको छ ।
कार्यक्रमको अध्यक्षता हितबहादुर तामाङले, स्वागतस् जीवनराम श्रेष्ठले र सञ्चालन लीलामणि पोखरेलले गर्ने जनाइएको छ । नेकपा युवा मजदुरका अध्यक्ष निशान पन्तका अनुसार सभालाई व्यवस्थित गर्नका लागि हरेक स्किममा स्वंमसेवक राखिएको जनाइएको छ ।
