ताजा खबर

आज गाई तिहार गाईको पुजाआजाका साथै मिठा खानेकुरा खान दिएर मनाइदै

३० कात्तिक, काठमाण्डौ । यमपञ्चक अर्थात् तिहारको चौथो दिन आज गाई तिहार गाईको पुजाआजाका साथै मिठा खानेकुरा खान दिएर मनाइएको छ । यस्तै गोरु तिहार पनि आजै परेको छ । गाईलाई पूजा गर्नाले गाईबाट आमाबाट पाएजस्तै माया पाइने धार्मिक विश्वास रहिआएको छ । गाईको दूध, गहुँत र गोबर पवित्र हुने भएकाले पनि गाईको पूजा गर्ने गरिएको नेपाल पञ्चाङ्ग निर्णायक समितिका अध्यक्ष प्रा डा रामचन्द्र गौतमले जानकारी दिए ।

आधुनिक विज्ञानले समेत स्थानीय गोरस विभिन्नि रोगहरुमा अचुक औषधिका रूपमा प्रयोग गर्दा मानव स्वास्थ्यलाई फाइदा पुग्ने भनी अनुसन्धानबाट प्रमाणित गरेपछि गाईको महत्व अझ बढेको अनुसन्धानमा संलग्न गोब्रती योगी सोमराजले बताए ।

आजैका दिन बेलुकी घर घरमा ‘देऊ शुभ’ भनी देउसी खेल्ने गरिन्छ ।