५ कात्तिक, काठमाडौं । प्रधानमन्त्रीको सरकारी निवास बालुवाटारमा राष्ट्रिय सुरक्षा परिषद्को बैठक भरखरै सुरु भएको छ । प्रधानमन्त्री केपी शर्मा ओलीको अध्यक्षतामा अहिले साँझ बैठक सुरु भएको हो ।
परिषद्मा रक्षामन्त्री, गृह, परराष्ट्र, अर्थमन्त्री, मुख्य सचिव र प्रधानसेनापति सदस्य रहन्छन् । साथै, रक्षा मन्त्रालयका सचिव सदस्य–सचिव हुने व्यवस्था छ ।
बैठकमा मुलुकमा शान्ति सुरक्षाको अवस्था र विकसित घटनाक्रम बारे छलफल हुने भनिएको छ । सैनिक स्रोतका अनुसार बैठकमा मुलुकका सुरक्षा चुनौती र प्रतिकार्यबारे छलफल हुने बताएको छ ।
नेपाली सेनाको पृतनापतिहरुको दुई दिने सम्मेलन सकिएको भोलिपल्टै सुरक्षा परिषदको बैठक बोलाइएको हो । सम्मेलनले कोभिड( १९ को बढ्दो संक्रमण र विप्लव समूहलाई राष्ट्रिय सुरक्षाको मुख्य चुनौती मानेको थियो ।
