राष्ट्रिय खेलकुद परिषद् राखेपले अखिल नेपाल फुटबल संघ एन्फाका अध्यक्ष पंकजविक्रम नेम्बाङ र महासचिव किरण राईलाई फिफा विश्वकप २०२६ का लागि विदेश जान अनुमति दिन अस्वीकार गरेको छ।
आर्थिक अनियमिततासम्बन्धी छानबिन जारी रहेको कारण यसअघि अध्यागमन विभागले पनि एन्फाका पदाधिकारीलाई विदेश यात्रा रोक लगाएको थियो । सोही निर्णय फुकुवाका लागि उनीहरू आज राखेप पुगेका थिए, तर परिषद्ले अनुमति दिन अस्वीकार गरेको सदस्य सचिव रामचरित्र मेहताले जानकारी दिएका छन् ।
स्रोतका अनुसार विश्वकपमा सहभागी हुन उनीहरू मेक्सिको प्रस्थान गर्ने तयारीमा थिए । तर अध्यागमनले राखेपको सिफारिस आवश्यक पर्ने बताएपछि उनीहरू परिषद् पुगेका थिए ।
गत वैशाखदेखि नै आर्थिक विषयको छानबिनका आधारमा एन्फाका पदाधिकारीलाई विदेश यात्रा रोक लगाइएको हो ।
