काठमाडौं । तीनकुने घटनामा संलग्न भएको आरोपमा दुर्गा प्रसाईं निकट युवा समूहका एक कमाण्डरलाई प्रहरीले पक्राउ गरेको छ । ‘रोयल टास्क फोर्स’ (आरटीएफ) समूहका कमाण्डर मुनिन्द्र राजभण्डारीलाई प्रहरीले पक्राउ गरेको हो । स्रोतका अनुसार उनी नेपाली सेनाका पूर्व क्याप्टेन हुन् ।
प्रहरी स्रोतका अनुसार उनलाई आज (शनिबार) बालाजु क्षेत्रबाट पक्राउ गरिएको हो । शुक्रबार तीनकुनेमा राजावादीहरुले गरेको प्रदर्शनमा राजभण्डारी पनि सहभागी थिए । प्रदर्शन हिंसात्मक हुँदा एक पत्रकारसहित दुई जनाको मृत्यु भएको थियो ।
