आज विक्रम संवत २०८१ साल माघ ४ गते, शुक्रबार । ईश्वी सन् २०२५ जनवरी १७ तारिख । नेपाल संवत् ११४५ । कालयुक्तनाम संवत्सर । उत्तरायणं । शिशिर ऋतु । श्रीशाके १९४६ । माघ कृष्णपक्ष । तिथि–चतुर्थी, ५७ घडी ४ पला, रातको ५ बजेर ४० मिनेट उप्रान्त पंचमी । नक्षत्र–मघा, १६ घडी ४१ पला, दिउँसो १ बजेर ३१ मिनेट उप्रान्त पूर्वाफाल्गुनी । योग–सौभाग्य, ४७ घडी ५१ पला, रातको १ बजेर ५९ मिनेट उप्रान्त शोभन । करण–बव, बेलुकी ५ बजेर १ मिनेट उप्रान्त बालव, रातको ५ बजेर ४० मिनेट उप्रान्त कौलव । आनन्दादिमा–काण योग । चन्द्रराशि–सिंह । काठमाडौंमा सूर्योदय बिहान ०६ बजेर ५८ मिनेट । सूर्यास्त बेलुकी ५ बजेर ३० मिनेट । दिनमान २६ घडी २३ पला ।
बिहान ०६ बजेर ५८ मिनेटसम्म चर बेला ।
बिहान ६ बजेर ५९ मिनेटदेखि बिहान ८ बजेर १७ मिनेटसम्म लाभ बेला ।
बिहान ८ बजेर १८ मिनेटदेखि बिहान ९ बजेर ३६ मिनेटसम्म अमृत बेला ।
बिहान ०९ बजेर ३७ मिनेटदेखि बिहान १० बजेर ५५ मिनेटसम्म काल बेला ।
बिहान १० बजेर ५६ मिनेटदेखि बिहान १२ बजेर १४ मिनेटसम्म शुभ बेला ।
मध्यान्ह १२ बजेर १५ मिनेटदेखि दिउँसो १ बजेर ३३ मिनेटसम्म रोग बेला ।
दिउँसो १ बजेर ३४ मिनेटदेखि दिउँसो २ बजेर ५३ मिनेटसम्म उद्धेग बेला ।
दिउसो २ बजेर ५४ मिनेटदेखि बेलुकी ४ बजेर १२ मिनेटसम्म चर बेला ।
बेलुकी ४ बजेर १३ मिनेटदेखि बेलुकी ७ बजेर १२ मिनेटसम्म रोग बेला ।
नोट : शुभकार्य तथा यात्रा गर्दै हुनुहुन्छ भने लाभबेला र अमृत बेलाको समय पारेर गर्नुहोला ।
दिउँसो १० बजेर ५५ मिनेटदेखि दिउँसो १२ बजेर १४ मिनेटसम्म राहुकाल रहनेछ ।
नोट : राहुकालको समयमा कुनै पनि शुभ कार्य नगर्नुहोला ।
बिहान ५ बजेर २३ मिनेटदेखी बिहान ६ बजेर ११ मिनेटसम्म ब्रम्हा मुहुर्त रहनेछ ।
मेष (चु,चे,चो,ला,लि,लु,ले,लो,अ) सामाजिक काममा दिन बित्ने हुँदा मन प्रशन्न रहनेछ भने सबैले तपाईको क्षमताको कदर गर्नेछन् । व्यापार व्यवसायमा लगानी गरि सोचेजस्तो आम्दानी गर्न सकिनेछ । पढाइ लेखाइ अन्य दिन भन्दा सुधार हुने हुनाले आफन्त हरु खुशी हुनेछन् । लामो समयदेखिको प्रेम सम्बन्धलाई विवाहमा परिणत गर्न सकिनेछ । शुभ तथा मांगलिक समारोहमा सहभागि भई मिष्ठान्न भोजन ग्रहण गर्ने अवसर जुर्नेछ ।
बृष (इ,ऊ,ए,ओ,वा,वि,वु,वे,वो) शुभ मांगलिक सभा समारोहमा सहभागी भई मिष्ठान्न भोजन ग्रहण गर्ने अवसर जुर्नेछ । छोटो तथा रमाइलो यात्राको तय हुनेछ । माया प्रेममा सामिप्यता बढेर जाने तथा जीवन साथीसँगको सम्बन्ध थप सुमधुर हुनेछ । खाद्यान्न तथा औषधिजन्य सामानको व्यापारमा उल्लेख्य वृद्धि हुनेछ । सवारी साधन तथा अटो पार्टसको खरिद बिक्रिबाट मनग्गे आम्दानी हुनेछ । राजनीति तथा सामाजिक काममा जनताको साथ समर्थन पाइने योग छ ।
मिथुन (का,कि,कु,घ,ङ,छ,के,को,हा) छोटो तथा रमाइलो यात्रा तय गर्न सकिने भएपनि बढी नै उत्साही हुन खोज्दा नराम्रो घट्ना घट्न सक्छ, ध्यान दिनुहोला । माया प्रेममा मनमुटाव सिर्जना हुने भएपनि अन्ततः एक अर्कालाई विश्वास गर्दै अगाडि बढ्न सकिनेछ । गलत लेखाई अथवा गलत बुझाइले आफ्नो साख गिर्न सक्छ ध्यान दिनुहोला । र, पनि खानपान, जम्घट र मनोरञ्जनमा समय व्यतित हुनेछ ।
कर्कट (हि,हु,हे,हो,डा,डि,डु,डे,डो) सबैको सहयोग पाइने हुँदा प्रतिष्ठित काम गर्ने अवसर जुर्नेछ । बोलेर गर्ने कुनै पनि पेशा व्यवसाय फस्टाएर जानेछ । समय अनुसार विचार सिर्जना गर्न सकिने हुँदा धेरैको मन जित्न सकिनेछ । कुटुम्ब तथा आफन्तसँग मिलेर गर्ने कुनै पनि व्यवसाय फस्टाएर जानेछ भने आर्थिक अवस्थामा सुधार भएर जानेछ । प्रेममा रमाउन चाहनेहरुका लागी समय राम्रो रहेकोछ । खानपान तथा मनोरञ्जनमा समय व्यतित हुनेछ ।
सिंह (मा,मि,मु,मे,मो,टा,टि,टु,टें) वन्द व्यापारबाट मनग्गे लाभ लिन सकिनेछ भने आस मारेको काम बन्नाले उत्साह जाग्नेछ। एउटै कामबाट दोहोरो लाभ मिल्नेछ। आफन्त तथा साथीभाइको सहयोगमा विशेष योजनाहरू बन्नेछन्। छिमेकी तथा समुदायको हितमा राम्रै काम गर्न सकिनेछ । सामाजिक उत्तरदायित्व वहन गर्दै फाइदा हुने काम र जिम्मेवारी हात पार्ने मौका छ । प्रेममा रमाउन चाहनेहरुका लागी समयले साथ दिनेछ । मांगलिक समारोहमा सहभागी भई मिष्ठान्न भोजन गर्ने अवसर जुर्नेछ ।
कन्या (टो,पा,पि,पु,ष,ण,ठ,पे,पो) स्वास्थ्य सामाग्री तथा औषधिजन्य सामानको व्यापारमा उल्लेख्य बृद्धि हुनेछ । विदेशमा उत्पादित सामानको व्यापारबाट मनग्गे आर्जन गर्न सकिनेछ । लामो दुरीको विदेश यात्राको योग रहेकोछ भने विदेशी लगानीबाट सञ्चालित संस्थामा काम पाइनेछ । प्रेम सम्बन्ध सफल रहनेछ । अध्ययनमा मन जाने तथा प्रविधिको प्रयोगमार्फत थप ज्ञान आर्जन गर्न सकिनेछ । ऋण, रोग तथा शत्रुबाट छुटकारा पाइनेछ ।
तुला (रा,रि,रु,रे,रो,ता,ति,तु,ते) इच्छा आकांक्षाहरु पूरा गर्नको लागी बढी नै समय खर्चनु पर्ने हुनसक्छ । दाजुभाइसँग मनमुटाव सिर्जना हुने योग रहेकोछ । स्वास्थ्यमा सामान्य समस्या आई रुपैयाँ पैसा खर्च हुनेछ । माया प्रेममा सामान्य मनमुटाव सिर्जना हुनेछ भने आत्मिय मित्र तथा आफन्तसँग घरायसी कुरामा राय बाझिनेछ । र, पनि खाद्यान्न, गरगहना तथा अटोपार्टस सम्बन्धी सामानको व्यापारमा उल्लेख्य बृद्धि हुनेछ । शुभ समारोहमा सहभागी भई भेटघाट तथा मनोरञ्जनमा समय व्यतित हुनेछ ।
बृश्चिक (तो,ना,नि,नु,ने,नो,या,यि,यु) प्राकृतिक स्रोत तथा पैत्रिक धन सम्पत्तिको प्रयोग गर्दा ध्यान दिनुहोला । समाजमा विवाद हुने योग रहेकोछ । कार्य क्षेत्रमा अरुको नकारात्मक टिका टिप्पणीले समस्या पैदा हुनेछ भने खुट्टा तान्नेहरु हावी हुनेछन् । र, पनि सबैखाले व्यापारबाट मनग्गे लाभ हुनेछ । लामो समयदेखिको प्रेम सम्बन्धलाई घर गृहस्थी जीवनमा परिणत गर्न सकिनेछ । घेटघाट तथा खानपानमा समय व्यतित हुनेछ ।
धनु (ये,यो,भा,भि,भु,ध,फा,ढा,भे) भाग्य भावमा गोचर गर्ने चन्द्रमाको शुभ प्रभावले धार्मिक तथा शैक्षिक यात्राको प्रशस्त सम्भावना रहेकोछ । सानो प्रयत्नले उपलब्धिमूलक कामहरु हुनेछन् । पूजा सामग्री तथा चाडबाड लक्षित सामानको व्यापारमा उल्लेख्य बृद्धि हुनेछ । राज्यको नजिक भई काम गर्नेहरुले आर्थिक लाभ प्राप्त गर्ने समय रहेकोछ । नयाँ काम पाउने तथा नोकरीमा बढुवा वा सुगम स्थानमा स्थानान्तरणको बलियो योग रहेकोछ ।
मकर (भो,जा,जि,जु,जे,जो,ख,खि,खु,खे,खो,गा,गी) आफन्त तथा दिदिबहिनीबाट सहयोग तथा समर्थन पाइनेछ । शुभचिन्तकको सुझावलाई शिरोधार्य गर्दै अगाडि बढ्न सके फाइदा हुनेछ । माया प्रेममा नजिक भई आफ्ना कुराहरु राख्न सकिनेछ । व्यावसायिक यात्राको तय गर्न सकिनेछ भने कर्मफल प्राप्त हुनाले मन प्रशन्न हुनेछ । नसोचेको धन तथा सम्पत्ति हात लागी हुनेछ भने चिट्ठा प्राप्तिको गतिलो योग रहेकोछ । खानपान, भेटघाट र मनोरञ्जनमा समय व्यतित हुनेछ ।
कुम्भ (गु,गे,गो,सा,सी,सु,से,सो,दा) कार्यक्षेत्रमा राम्रो काम गर्न सकिने हुँदा तपाईंलाई विश्वास गरि थप कार्यभार सुम्पनेछन् । व्यापार व्यवसाय फस्टाएर जानेछ भने नयाँ प्रकृतिको काम गरी मनग्गे आम्दानी गर्न सकिनेछ । प्रेममा रमाउन चाहनेहरुका लागी समयले साथ दिनेछ । ईमान्दारिता तथा लगानशीलताले पक्ष पहिल्याउ सहज हुनेछ । महँगा तथा विलाशी वस्तुको प्रयोगमार्फत अरुको मन आफुतिर तान्न सकिनेछ । शुभ तथा मांगलिक समारोहमा सहभागी हुने अवसर जुर्ने तथा सबैसँग भेट हुनाले मन प्रशन्न हुनेछ ।
मीन (दि,दु,थ,झ,ञ,दे,दो,चा,ची) स्वास्थ्यमा समस्या देखिने हुनाले दौडधूपमा समय खर्च नगर्नु नै राम्रो रहेकोछ । काममा ढिलासुस्ती, वैरभाव तथा आफन्तसँग विवाद हुने योग रहेकोछ । खुट्टा तान्ने तथा काममा विवाद सिर्जना गर्नेहरु सक्रिय रहनेछन् । पढाइ लेखाइ अधुरै रहनेछ भने न्यायिक निर्णयहरु तपाईंको विपक्षमा हुनेछन् । र, पनि छोटो दुरीको यात्राको योग रहेकोछ । मांगलिक समारोहमा सहभागी भई मिष्ठान्न भोजन ग्रहण गर्ने अवसर जुर्नेछ ।
तपाईंको दिन शुभ रहोस्,
-ज्योतिषी दुर्गा प्रसाद भण्डारी
रातोपाटीबाट
