दाङ । सल्यानमा गुडिरहेको गाडीमा आफैं आगो लागेको छ । आगलागीबाट गाडी जलेर पूर्णरूपमा नष्ट भएको प्रहरीले जनाएको छ ।
थारमारे दार्मा जोड्ने सडक खण्ड अन्तरगत बागचौर नगरपालिका–१ चारखोलानजिकै गुडिरहेको गाडीमा आगो लागेको थियो । जिल्ला प्रहरी प्रमुख डिएसपी केशर न्यौपानेका अनुसार आगलागी भएपछि सबै यात्रु सकुशल निस्किन सफल भएका छन् ।
बाँकेको नेपालगञ्जबाट रूकुम पश्चिमको चौफातर्फ जाँदै गरेको भे १ ख ३७५० नम्बरको गाडीमा बेलुकी ६ बजेतिर आगलागी भएको थियो । गाडीमा २९ जना सवार रहेको डिएसपी न्यौपानेले बतए । घटनास्थल जिल्ला प्रहरी कार्यालय खलंगाबाट ७ किलोमिटर उत्तरमा पर्छ ।
