काठमाडौं । फ्रान्सले युरो कप २०२४ मा विजयी सुरुवात गरेको छ । गएराति सम्पन्न खेलमा अस्ट्रियालाई १–० ले हराएर फ्रान्सले विजयी सुरुवात गरेको हो ।
फ्रान्स युरोकपको पूर्वविजेता पनि हो । फ्रान्सले सन् १९८४ मा युरोकपको उपाधि चुमेको थियो । जारी युरोकपको छनोट प्रतियोगितामा भने फ्रान्स र अस्ट्रिया दुवैले उत्कृष्ट प्रदर्शन गरेका छन् । अस्ट्रिया आफ्नो समूहमा दोस्रो हुँदै युरोकपमा छानिएको थियो । त्यो समूहमा पहिलो भएको बेल्जियमको २० र अस्ट्रियाको १९ अङ्क रहेको थियो ।
अर्कोतिर, फ्रान्स आफ्नो समूहमा पहिलो हुँदै युरोकपमा पुगेको थियो । फ्रान्स आफ्नो समूहमा अपराजित रहँदै युरोकपमा छनोट भएको हो ।
