२६ वैशाख, मान्म (कालीकोट) । जिल्लाको नरहरिनाथ गाउँपालिकाले पशुपालन गर्ने किसानलाई गोठालो भत्ता दिने भएको छ ।
चालु आर्थिक वर्षको स्वीकृत बजेटअनुसार ‘कृषकसँग उपाध्यक्ष कार्यक्रम’बाट पशुपालक किसानलाई गोठालो भत्ताको व्यवस्था गरिएको हो ।
गोठालो भत्ता कार्यविधिअनुसार चारवटा भैंसी, ३० वटा बाख्रा र ४० वटाभन्दा बढी भेडा व्यावसायिक रूपमा पाल्ने किसानलाई भत्ता दिइनेछ ।
नरहरिनाथ गाउँपालिका पशुपालनको प्रचुर सम्भावना छ । पालिकामा भैँसी तथा भेडाबाख्रापालक किसान धेरै भएकोले उनीहरूलाई प्रोत्साहन गर्न भत्ताको व्यवस्था गरिएको उनको भनाइ छ ।
