काठमाडौँ । खराब मौसमका कारण हवाई सेवा प्रभावित हुन पुगेको छ । बिहीबार दिउँसो करिब ३ बजेदेखि बिग्रिएको मौसमका कारण राष्ट्रिय (डोमिस्टिक) तथा अन्तर्राष्ट्रिय उडानहरू प्रभावित हुन पुगेका हुन् ।
सूचनाअनुसार इन्डिगो जहाज दिल्ली डाइभर्ट भएको छ भने चाइना स्टर्न ढाका डाइभर्ट भएको छ । यस्तै, ४ बजेका लागि ल्यान्ड गर्न खोजेको भिस्टारा एयर करिब सवा घण्टादेखि आकाशमा नै होल्ड भएको छ भने कतार एयरवेजको जहाज समेत एक घण्टादेखि आकाशमा नै होल्ड भएको छ ।
टीआईए कन्ट्रोल रुमकाअनुसार कतार एयरले ४ः२५ बजे ल्याण्डिङको अनुमति माग गरेको थियो । यस्तै यता डोमेस्टिक उडानतर्फ पनि तीव्र हावाका कारण उडान अवतरण प्रभावित हुन पुगेको टीआईए कन्ट्रोल रुमले रातोपाटीलाई जानकारी दिएको छ । तथापि, विमानस्थलको भिजिबिलिटी भने सामान्य नै रहेको जानकारी प्राप्त भएको छ ।
