राष्ट्रिय सभा अध्यक्षको चुनाव हुँदैछ । सत्तारुढ माओवादी केन्द्रले आफ्नै उम्मेदवार उठाउने निर्णय गरेपछि गठबन्धन दलमा उम्मेदवारबारे अन्यौल बढेको छ।
प्रधानमन्त्री तथा अध्यक्ष प्रचण्ड ले स्थायी कमिटी सदस्यहरूको धारणालाई सम्बोधन गर्दै राष्ट्रिय सभा अध्यक्षमा उम्मेदवारी दिने र आफ्नै उम्मेदवार तयार गर्नुपर्ने बताए।
कांग्रेसबाट हामीलाई पटक(पटक धोका भएकै हो। पछिल्लो कडी राष्ट्रिय सभा निर्वाचनमा कोशी प्रदेशमा देखियो। अहिले नै गठबन्धन तोड्ने भनेर त नजाऔं, राष्ट्रिय सभा अध्यक्षका लागि आफ्नै उम्मेदवार तयार गरौं। हामीले छोड्नुहुँदैन।ֹ
बैठकपछि प्रवक्ता अग्नि सापकोटाले पनि राष्ट्रिय सभा अध्यक्षमा माओवादी केन्द्र आफैंले उम्मेदवार उठाउने निर्णय भएको बताए।
राष्ट्रिय सभा अध्यक्षमा माओवादीले उम्मेदवार उठाउने निर्णय गरेसँगै कांग्रेसमा तरंग पैदा भएको छ।
