काठमाडौं । मलेसियामा साथीको हत्या गरी हुलिया बदलेर नेपाल आउँदै गरेका एक व्यक्ति पक्राउ परेका छन् । इन्टरपोल मार्फत मलेसियन प्रहरी र मलेसियास्थित नेपाली राजदूतावाससँग समेत समन्वय गरी थप अनुसन्धान भइरहेको प्रहरीले जनाएको छ ।
मलेसियामा एउटै कम्पनीमा काम गर्दै आएका महोत्तरी, गौशाला नगरपालिका– ५ का २४ वर्षीय अनिलकुमार साहले झापा शिवसताक्षी–३ का धनबहादुर प्रधानको हत्या गरेका थिए।पीडतका आफन्तले साहले हुलिया बदलेर नेपाल आउन लागेको सूचना प्रहरीलाई दिएपछि मलेसियाबाट हिमालयन एयरलाइन्सबाट काठमाडौं आउँदै गर्दा प्रहरीले उनलाई त्रिभुवन विमानस्थलमा पक्राउ गरेको हो ।
