काठमाडौँ । मेडिकल व्यवसायी दुर्गा प्रसाईँले आज काठमाडौको बल्खुमा शक्ति प्रदर्शन गरेको छ । तीन दिनसम्म चल्ने आन्दोलनमा भोलिबाट काठमाडौको तीनकुनेमा प्रदर्शन गर्ने भएका छन् ।
प्रसाईँले बिहीबार बल्खुमा गरेको कार्यक्रममा युवा सङ्घका कार्यकर्ता र प्रहरीसँग पटक पटक झडप भएको थियो । त्यस क्रममा केही सवारी साधन तोडफोड हुनुका साथै दुवैतर्फ केही व्यक्ति घाइते भएका छन् ।
करिब १० मिनेट बल्खुमा आफू समर्थकलाई सम्बोधन गरेका प्रसाईँले आजै साँझ आफ्नै घरमा पत्रकार सम्मेलन गर्ने समर्थकहरूले बताएका छन् ।
