काठमाडौँ । सोमबार गएको परकम्पबाट जाजरकोट र रुकुम पश्चिममा १३ जना घाइते भएका छन् । अपराह्न साढे ४ बजे रामीडाँडा केन्द्रबिन्दु भएर गएको परकम्पबाट जाजरकोटमा २ जना र रुकुम पश्चिममा ११ जना घाइते भएको प्रारम्भिक विवरण आएको गृह मन्त्रालयले जनाएको छ ।
रुकुम पश्चिममा टेण्ट १० थान, त्रिपाल १ हजार ७ थान, ६ सय थान म्याट्रेस र १ हजार थान कम्बल सहितका सामग्री वितरण गरिएको छ । राहतका लागी भारत सरकारबाट प्राप्त सामग्री नेपालगञ्ज हुँदै प्रभावित क्षेत्रमा पठाइएको प्रवक्ता भट्टराईले जानकारी दिए ।
