११ कात्तिक, काठमाडौं । नेपाली कांग्रेसले दशैंलगायतका चाडपर्वको अवसरमा आज शनिबार चियापान कार्यक्रम गरेको छ । चियापान कार्यक्रममा कांग्रेसका नेता कार्यकर्ता, अन्य राजनीतिक दलका शीर्ष नेता, प्रधानमन्त्री, मन्त्री, सभामुख, राजनीतिबाहेक अन्य क्षेत्रका व्यक्तिहरु पनि सहभागी भएका थिए ।
कांग्रेसको चियापान कार्यक्रममा प्रधानमन्त्री पुष्पकमल दाहाल, सभामुख देवराज घिमिरे, नेकपा एमालेका अध्यक्ष केपी शर्मा ओली, राष्ट्रिय स्वतन्त्र पार्टीका सभापति रवि लामिछाने, नेकपा एकीकृत समाजवादीका अध्यक्ष माधवकुमार नेपाललगायत नेताहरु पुगेका थिए ।
