बाँकेको खजुरा गाउँपालिकामा एक स्कुलको बस पल्टिँदा भएको दुर्घटनामा एक विद्यार्थीको मृत्यु भएको छ।
खजुरा गाउँपालिका नजिकै रहेको दीपक बोर्डिङ स्कुलको बस दुर्घटना हुँदा खजुरा गाउँपालिका–६ का १२ वर्षीय ऐसव नेपालीको मृत्यु भएको इलाका प्रहरी कार्यालय धनौलीका प्रमुख प्रहरी निरीक्षक अशोक मल्लले बताए।
प्रहरी निरीक्षक मल्लका अनुसार सोमबार साँझ विद्यायलबाट घर पुर्याउने क्रममा खजुराबाट सिमलघारीतर्फ जाँदै गरेको ना ४ ख ६५१ नम्बरको बसको स्टेरिङ फेल भएर पुलबाट पल्टिएको थियो।
उक्त बसमा करिब ४० जना विद्यार्थी सवार थिए। तीमध्ये ३० जना सामान्य घाइते भएका छन्।
घाइते भलाई स्थानीय अस्पतालमा उपचार गराई घर फर्काइएको छ।
एक गम्भीर घाइतेलाई नेपालगञ्जस्थित भेरी अस्पतालमा भर्ना गरिएको प्रहरीले जनाएको छ।
