काठमाडौँ । चौथो नेपाल सर्ट फिल्म अवार्ड २०२३ मा लघु फिल्म ‘संघर्ष’ उत्कृष्ट भएको छ ।
यस्तै चरित्र भूमिकामा उत्कृष्ट चरित्र अभिनेताको वार्ड फिल्म संघर्षबाटै प्रेम पाण्डेले जितेका छन् । फिल्म संघर्षबाटै उत्कृष्ट सम्पादकको अवार्ड शाहिल खानले हासिल गरेका छन् ।
प्रतियोगितामा उत्कृष्ट अभिनेताको अवार्ड सर्ट फिल्म कहानी एका देशकोबाट सागर लम्साल बलेले जितेका छन् । यस्तै उत्कृष्ट अभिनेत्रीको अवार्ड फिल्म प्रवासीको जीवनबाट अभिनेत्री सरिता लामिछानेले हासिल गरेकी छिन् ।
यस्तै उत्कृष्ट सिनेमाटोग्राफरको अवार्ड सर्ट फिल्म ए हिडन लाइफबाट राजन खरेल प्राप्त गरे भने उत्कृष्ट निर्देशकको अवार्ड फिल्म दुर्गमण्डुबाट माधव राज खरेलले हासिल गरेका छन् ।
सर्ट फिल्म अवार्ड २०२३ को निर्णायकमा अभिनेता आर्यन सिग्देल, अभिनेता बीरेन्द्र हमाल, अभिनेता तेज गिरी र चलचित्र निर्देशक दिनेश राउत थिए ।
