आज श्रीकृष्ण जन्माष्टमी पर्व अर्थात् भगवान कृष्पणको जन्मदिन भव्यताका साथ मनाइँदै छ।
श्री कृष्ण जन्माष्टमीको दिनको अवसरमा आज देशभरका कृष्ण मन्दिरमा भक्तजन र दर्शनार्थीको बिहानैदेखि भीड लागिरहेको छ।
ललितपुरको पाटनस्थित कृष्ण मन्दिरमा पनि आज बिहानैदेखि भक्तजनको बाक्लो घुइँचो लागिरहेको छ।
हिन्दू धर्म अनुसार द्वापर युगमा भाद्र कृष्णअष्टमीलाई कृष्ण जन्माष्टमी पर्वका रुपमा मानिन्छ। भाद्र कृष्ण अष्टमीकै दिन भगवान् श्रीकृष्णको जन्म भएको विश्वासमा कृष्ण जन्माष्टमी पर्व मनाउने चलन छ।
कृष्ण जन्माष्टमीको पर्वको अवसरमा सरकारले आज देशभर सार्वजनिक बिदा दिएको छ।
