काठमाडौं । राष्ट्रिय स्वतन्त्र पार्टी (रास्वपा) ले दस्तावेज बनाउन प्रतिनिधिमण्डल गठन गरेको छ ।
रास्वपाले पार्टीको दस्तावेजको दोस्रो मस्यौदा तयार पार्न १७ सदस्यीय प्रतिनिधिमण्डल गठन गरेको हो ।
पार्टीको नीति तथा विचार विभाग प्रमुख डा. मुकुल ढकालको संयोजकत्वमा रास्वपाले १७ सदस्यीय प्रतिनिधिमण्डल गठन गरेको बताइएको छ ।
प्रतिनिधिमण्डलले पार्टीको दस्तावेजको पहिलो मस्यौदामा आवश्यक छलफल एवं संसोधनपछि दोस्रो मस्यौदा तयार पार्नेछ ।
प्रतिनिधिमण्डलमा डा. मुकुल ढकाल, रमेश प्रसाईं, कमल सुवेदी, गणेश पराजुली, विपिन कुमार आचार्य, शिशिर खनाल, क्रान्तिशिखा धिताल, कबिन्द्र बुर्लाकोटी, डा. तोषिमा कार्की, शङ्कर श्रेष्ठ, हरि ढकाल, गणेश कार्की, मनिष झा, सुमना श्रेष्ठ, डा. स्वर्णिम वाग्ले, सन्तोष परियार, सोविता गौतम छन् ।
