काठमाडौँ । अमेरिकी पूर्व राष्ट्रपति डोनाल्ड ट्रम्प गोप्य कागजातसँग सम्बन्धित आपराधिक मुद्दामा मंगलबार पक्राउ परेका छन्। ट्रम्प यस मामिलामा मियामी अदालतमा उपस्थित हुन पुगेका थिए। तर, गोप्य कागजात मुद्दा प्रकरणमा भएको सुनुवाइपछि उनलाई अदालतबाट निःशर्त बाहिरिने अनुमति दिइएको थियो ।
मिडिया रिपोर्टका अनुसार मंगलबारको सुनुवाइको क्रममा मजिस्ट्रेट न्यायाधीश जोनाथन गुडम्यानले ट्रम्पले आफ्ना सहयोगी वाल्ट नाउटुसँग मुद्दाको बारेमा कुरा गर्न नसक्ने बताए। न्यायाधीशले अभियोजकहरूलाई सम्भावित साक्षीहरूको सूची तयार गर्न पनि भनेका थिए, जससँग डोनाल्ड ट्रम्प मुद्दाको सम्बन्धमा बोल्न सक्दैनन्। उनले वकिल मार्फत मात्र यी साक्षीहरूसँग अन्तरक्रिया गर्न सक्छन्।
उनीमाथि पोर्न स्टारलाई मौन बस्नका लागि ठुलो रकम दिएको आरोप लागेको थियो । त्यसमा पनि ट्रम्पले अदालतमा आफूलाई निर्दोष घोषणा गरेका थिए । स्मरण रहोस्, ट्रम्प अमेरिकाको पहिलो पूर्व राष्ट्रपति हुन् जो एक आपराधिक मुद्दामा सङ्घीय न्यायाधीश समक्ष उपस्थित भइरहेका छन् ।
