१० वैशाख, काठमाडौं । इन्डियन प्रिमियर लिग (आईपीएल) क्रिकेट अन्तर्गत शनिबार भएको खेलमा पञ्जाब किंग्सले मुम्बई इन्डियन्सलाई १३ रनले पराजित गरेको छ ।
घरेलु मैदान वाङखडे स्टेडियममा पन्जाबले दिएको २१५ रनको लक्ष्य पछ्याएको मुम्बईले २० ओभरमा ६ विकेट गुमाएर २०१ रन मात्र बनायो ।
मुम्बईका लागि क्यामरुन ग्रीन र सूर्यकुमार यादवले अर्धशतक बनाए पनि जितका लागि पर्याप्त भएन । ग्रीनले ४३ बलमा ६ चौका र ३ छक्का मद्दतमा सर्वाधिक ६७ रन बनाए । सूर्यकुमारले २६ बलमा ७ चौका र ३ छक्का प्रहार गरी ५७ रन बनाए ।
पन्जाबका लागि अर्शदीप सिंहले ४ ओभरमा २९ रन खर्चेर ४ विकेट लिए ।
त्यसअघि टस हारेर पहिले ब्याटिङ गरेको पन्जाबले कप्तान साम करन र विकेटकिपर वितेश शर्माको विष्फोटक ब्याटिङ मद्दतमा निर्धारित २० ओभरमा ८ विकेट गुमाएर २१४ रन बनाएको थियो ।
करनले २९ बलमा ५ चौका र ४ छक्का प्रहार गर्दै सर्वाधिक ५५ रन बनाए । हरप्रित सिंहले २८ बलमा ४ चौका र २ छक्काको मद्दतमा ४१ रन बनाए । अथर्व ताइडेले १७ बलमा २९ र प्रभसिमरन सिंहले १७ बलमा २६ रन जोडे । जितेश शर्मा ७ बलमा ४ छक्का प्रहार गर्दै अविजित २५ रन बनाए ।
मुम्बईका लागि पियुष चावला र क्यामरुन ग्रीनले समान दुई–दुई तथा जेसन बेहरनडोफ, जोफ्रा आर्चर र अर्जुन तेन्दुल्करले समान एक–एक विकेट लिए ।
चौथो जितपछि ७ खेलबाट ८ अंक जोडेको पञ्जाब पाँचौ स्थानमा उक्लेको छ । शीर्ष चारमा रहेका राजस्थान, लखनउ, चेन्नाई र गुजरातको पनि समान ८ अंक नै छ ।
तेस्रो हार बेहोरेको मुम्बई ६ खेलबाट ६ अंकसहित सातौं स्थानमै छ ।
