मन्त्रिपरिषद्ले नेपाल प्रहरीका ५ जना नायब महानिरीक्षकलाई अतिरिक्त महानिरीक्षकमा बढुवा गरेको छ।

आज बिहान बसेको मन्त्रिपरिषद् बैठकले डिआइजीहरू वसन्तबहादुर कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्यलाई एआइजीमा बढुवा गरेको एक मन्त्रीले जानकारी दिए।

उनीहरूलाई गृह मन्त्रालयले एआइजीमा बढुवा गर्न सिफारिस गरेको थियो।

बढुवा भएकाहरूमध्येबाट एक जना प्रहरीका नयाँ महानिरीक्षक हुनेछन्। बढुवाको पहिलो नम्बरमा वसन्तबहादुर कुँवर छन्।