३ कात्तिक, पोखरा । नवौं राष्ट्रिय खेलकुदअन्तर्गत पुरुष फुटबलको उपाधि एपीएफले जितेको छ ।
प्रतियोगिताको अन्तिम दिन पोखरा रंगशालामा भएको खेलमा टाइब्रेकरमा त्रिभुवन आर्मीलाई सडेन डेथमा (६–५) हराउँदै एपीएफले स्वर्ण पदक जितेको हो ।
यसअघि निर्धारित ९० मिनेट र त्यसपछि थपिएको ३० मिनेटमा दुवै टिमले गोल गर्न सकेनन् र खेलको निर्णय टाइब्रेकरबाट गरियो ।
सुरुमा पाँच पाँच पेनाल्टी प्रहार गर्दा दुवै टिमका चार चार खेलाडीले गोल गरे । जसमा एपीएफका नविन लामा, आभास लामिछाने, सुदिप शिख्राकार र राजु योगीले गोल गरे भने सनिष श्रेष्ठको प्रहार बाहिर गएको थियो ।
