लगातार रुपमा आएको बर्षाका कारण देशैभरीका सडक अवरुद्ध भइरहेको बेला पृथ्वी राजमार्ग अन्तरगत धादिङमा पर्ने विभिन्न सात स्थानमा पहिरोका कारण सडक अवरुद्ध भएको छ ।
धादिङ र काठमाडौँको सिमानामा पर्ने सुरुङमार्ग, खत्रीपौवा, बैरेनी, जरेखेत लगायतका स्थानमा पहिरो गएको छ ।
विभिन्न स्थानमा गएको पहिरो पन्छाएर बाटो खुलाएपनि महादेववेशीमा गएको पहिरो अझै खुलाउन सकिएको छैन । महादेववेशीमा दोहोरो बाटो बन्द भएको छ । पहिरोका कारण बाटो अवरुद्ध हुँदा राजमार्गका विभिन्न स्थानमा सवारीसाधनको लाम लागेको छ । स्थानीय तहका डोजर, निर्माण कम्पनीका डोजर आदि प्रयोग गरेर बाटो खुलाउने प्रयास भइरहेको छ ।
अन्यत्र एकतर्फीरुपमा बाटो खुलाइसकिएको भए पनि धुनिवेशीको बाटो खुल्न अझै केही समय लाग्ने बुझिएको छ ।
