विराटनगरबाट खानेतेल लिएर काठमाडौँ आउदै गरेको ना ५ ख ५९५५ नंको ट्रक आज विहान पृथ्वीराजमार्ग अन्तर्गत धादिङको गजुरी ६ जरेखेतमा दुर्घटना भएको छ ।
ट्रक सडकबाट करिब दुई सय मिटर तल त्रिशूली नदी किनारमा खसेको छ । ट्रकको अगाडि पट्टि भागमा आगलागी भएको छ । इलाका प्रहरी कार्यालय गजुरीका अनुसार प्रहरी र आदमघाटस्थित सशस्त्र प्रहरी बलको संयुक्त टोली सहित स्थानीयवासीले तत्काल आगो नियन्त्रणमा लिएका थिए ।
