आज विप्लव नेकपाले नेपाल बन्द गरेको छ । देशैभरी विप्लप नेकपाका कार्यकर्ता नेपाल बन्दको आहन गर्दै सडकमा उत्रिएका छन् । प्रहरीले कही कतै अराजक गतिविधि गर्ने बन्द कर्तालाई पक्राउ समेत गरेको छ । यसै क्रममा दाङमा आज बिहानै एउटा टिपरमा आगजनी भएको छ।
घोराही–लमही सडकखण्ड अन्तरगत घोराहीको बबई खोला पुल नजिकै कुइरेपानी जंगलमा रा १ ख १६९४ नम्बरको टिपरमा आगजनी भएको हो।
बिहान साढे ४ बजेतिर उक्त टिपरमा आगजनी भएको हो ।
चालक र सहचालकले पाँच जनाको समूहमा आएका बन्दकर्ताले टिपर आगो लगाएर भागेको बताएका छन्। तर प्रहरीले घटना शंकास्पद रहेको बताएको छ। उक्त टिपर बिग्रेर मर्मत गर्न दुई दिन अघि मात्रै ग्यारेजमा लगिएको थियो।
