अमेरिकाका पूर्व राष्ट्रपति डोनाल्ड ट्रम्पको घर मार–ए–लागो रिसोर्टमा हालै अमेरिकी अनुसन्धान एजेन्सी एफबीआईको छापामारीको मुद्दा शान्त हुने नाम लिइरहेको छैन । बिहीबार, अमेरिकी न्याय विभागले फ्लोरिडाको एक अदालतलाई त्यो सर्च वारेन्ट सार्वजनिक गर्न भनेको छ जसको आधारमा एफबीआईले ट्रम्पको घरमा छापामारी गरिएको थियो ।
डोनाल्ड ट्रम्पले पनि आफ्नो एउटा बयानमा त्यो सर्च वारेन्टलाई तत्काल सार्वजनिक गर्ने पक्षमा रहेको बताएका छन् । तर, उनले आफ्नो घरमा भएको छापा अनावश्यक र राजनीतिक प्रेरित भएको दोहोर्याएको पनि देखियो ।
सोमबार ट्रम्पको घरमा छापा मार्ने क्रममा एफबीआईले कागजातहरूले भरिएको एक दर्जन बक्सहरू बरामद गरे तर यी कागजातहरूसँग सम्बन्धित कुनै जानकारी सार्वजनिक गरिएको छैन ।
एफबीआईको छापामारी त्यस अनुसन्धानसँग जोडिएको छ जसमा पूर्व राष्ट्रपतिले ह्वाइट हाउसका केही गोप्य रेकर्ड र संवेदनशील दस्तावेज हटाएका त छैनन् भन्नेसँग सम्बन्धित छ ।
अमेरिकी अखबार वाशिङ्टन पोस्टले स्रोतलाई उद्धृत गर्दै एफबीआई आणविक हतियारसँग सम्बन्धित कागजातको खोजीमा ट्रम्पको घर पुगेको बताएको छ ।