३१ असार, काठमाडौं । प्रतिनिधि सभाको आज बसेको बैठकबाट उपसभामुखमा पुष्पा भुसाल गौतम निर्वाचित भएकी छन् ।
संसदमा भएको मतदानमा पाँचदलीय गठबन्धनकी साझा उम्मेदवार नेपाली कांग्रेसकी सांसद भुसालले १४८ मत पाइन् ।
उनको बिपक्षमा जम्मा ९३ मत खसेको छ ।
२०७६ साल माघ ६ गते तत्कालीन उपसभामुख शिवमाया तुम्बाहाम्फेले राजीनामा दिएपछि अहिलेसम्म खाली रहेको यो पदमा आज चुनाव भएको हो ।
अर्घाखाँची पोखराथोककी पुष्पा भुसाल २०२८ सालदेखि राजनीतिमा आवद्ध छिन् ।
