४ असार, काठमाडौं । यसवर्षको मिस नेपाल वर्ल्डको उपाधि प्रियंका रानी जोशीले पाएकी छन् । ललितपुरको गोदावरीमा हिजो शनिबार सम्पन्न ग्रान्ड फिनालेमा उनले उपाधि जितिन् ।
उनलाई मिस नेपाल नम्रता श्रेष्ठले ताज पहिर्याइदिइन् ।
त्यस्तै सरिशा श्रेष्ठ मिस नेपाल अर्थ र न्यान्सी खड्का मिस नेपाल इन्टरनेशनल घोषित भए । गोदावरीको नवनिर्मित सनराइज कन्भेन्सन सेन्टरमा भएको फिनालीमा २४ जनाले प्रतिस्पर्धा गरेका थिए ।
विभिन्न ९ वटा सब–टाइटलमा विजेता पनि घोषणा गरिएको थियो ।
नीति शाहसहितका ११ जना निर्णायकले फाइनलिस्टलाई प्रश्नहरु सोधेका थिए ।
द हिडन ट्रेजरले प्रतियोगिता आयोजना गरेको हो ।
