१८ जेठ, काठमाडौं । नेकपा माओवादी केन्द्रले आजदेखि २ दिन आफ्नो पार्टीबाट स्थानीय तह निर्वाचनमा निर्वाचित जनप्रतिनिधिहरुलाई प्रशिक्षण दिने क्रमको पहिलो दिनमा उद्घाटन गर्ने क्रममा अध्यक्ष पुष्पकमल दाहाल प्रचण्डले काठमाडौं र धरानको मेयरमा स्वतन्त्र उम्मेदवारको जित माओवादीलाई सबक भएको बताएका छन् ।
पार्टीका स्थानीय जनप्रतिनिधिहरुको अभिमुखीकरण कार्यक्रममा प्रचण्डले काठमाडौं महानगर र धरान उपमहानगरको मेयरमा जितेका उम्मेदवारले माओवादीले जस्तै धारा, पानी, फोहोरको मुद्दा उठाएर जितेको बताए ।
उनले अघि भने, ‘हामीले राम्रासँग काम गरेको नदेखेपछि जनताले हामीलाई सबक सिकाएको जस्तो लाग्छ ।’ यद्यपि अब स्वतन्त्र उम्मेदवारहरुले नै देशभर जित्छन् भन्ने नभएको उनले बताए ।
