प्रिमियर लिग क्लब लिभरपुलले च्याम्पियन्स लिग फुटबलअन्तर्गत सेमिफाइनलको पहिलो लेगमा स्पेनिस क्लब भियारियलमाथि २–० गोलको हसज जित निकालेको छ । घरेलु मैदानमा लिभरपुललाई जित दिलाउन साडियो मानेले एक गोल गरे । लिभरपुलले एक गोल आत्मघाती उपहार पाएको थियो ।
खेलको ५३ औं मिनेटमा डिफेन्डर पेर्भिस इस्टुपिनानले आत्मघाती गोल गर्दा लिभरपुलले अग्रता बनायो । ५५ औं मिनेटमा मानेले गोल गर्दै लिभरपुललाई २–० को जित दिलाए । जितसँगै लिभरपुलले फाइनल पुग्ने सम्भावना बलियो बनाएको छ । अब दोस्रो लेग आगामी मे ४ मा हुनेछ ।
