२९ फागुन, काठमाडौं । नेपालमा थप ६५ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ६ हजार ३०६ पीसीआर परीक्षणमा ५९ जना र एक हजार ६४१ एन्टीजेन परीक्षणमा ६ जना गरी ६५ जनामा संक्रमण पुष्टि भएको हो ।
आज कोरोना भाइरस संक्रमणमुक्त हुनेको संख्या १९२ रहेको छ । आज कोरोना संक्रमणका कारण कसैको मृत्यु भएको छैन ।
मन्त्रालयका अनुसार हाल देशभर कोरोना भाइरसका सक्रिय संक्रमितको संख्या चार हजार ९१७ रहेको छ ।
