७ फागुन, काठमाडौं । आज ७२औं प्रजातन्त्र दिवसको अवसरमा सरकारले प्रजातन्त्र दिवसको अवसरमा आज काठमाडौंको टुँडिखेलमा विशेष समारोह गरिएको छ ।
१०४ वर्षे जहानियाँ राणा शासन अन्त्य भएको अवसरमा हरेक वर्ष फागुन ७ गते नेपालमा प्रजातन्त्र दिवस मनाउने
गरिन्छ । बि।स। २००७ साल फागुन ७ गतेका दिन राणा शासनको अन्त्य भएको थियो ।
आज टुँडिखेलमा आयोजित प्रजातन्त्र दिवस कार्यक्रममा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री शेरबहादुर देउवा, सभामुख अग्निप्रसाद सापकोटा, कायम मुकायम प्रधानन्यायाधीश दीपककुमार कार्की, , मन्त्रीहरु, उच्चपदस्थ कर्मचारीलगायतको सहभागिता थियो ।
कार्यक्रममा नेपाली सेनाले राष्ट्रिय प्रजातन्त्र दिवस, २०७८ व्यानर अंकित दुई वटा हेलिकोप्टरबाट पृष्पवृष्टि गराएको थियो भने मैदानबाट शान्तिका दूत परेवा र रंगीचंगी बेलुन उडाइएको थियो । सेनाका जवानहरुले बिधित कलाकौशल समेत प्रस्तुत गरेका थिए भने प्रजातन्त्र दिवस हेर्नेहरुको समेत उल्लेख्य सहभागिता थियो ।
