सरकारले हिजो राती १२ बजेबाट लागू हुने गरी पेट्रोलियम पदार्थमा प्रतिलिटर ३ रुपैयाँ बढाए पछि आज त्यस बिरुद्ध गरिएको मूल्यवृद्धि फिर्ता लिन माग गर्दै नेकपा (माओवादी केन्द्र) निकट विद्यार्थी संगठन अखिल (क्रान्तिकारी) ले विरोध प्रदर्शन गरेको छ।
सो संगठनले मूल्यवृद्धिविरूद्ध ललितपुरमा मसाल जुलुस निकालेको हो।
यसअघि माइतीघर मण्डलमा अखिल क्रान्तिकारीले पेट्रोलियम पदार्थमा गरिएको मूल्यवृद्धि फिर्ता लिन माग गर्दै विरोध प्रदर्शन गरेको थियो।
